UNEC elmi jurnallarını vahid rəqəmsal portalda birləşdirdi
Azərbaycan Dövlət İqtisad Universitetinin (UNEC) elmi jurnallarını vahid rəqəmsal mühitdə birləşdirən UNEC Journals Portal fəaliyyət göstərir. Müasir akademik nəşriyyat prinsipləri əsasında hazırlanmış platforma Azərbaycanda universitet elmi jurnallarının sistemli şəkildə təqdim edilməsi istiqamətində ən peşəkar təşəbbüslərdən biri kimi qiymətləndirilə bilər.
Portalın yaradılması müxtəlif internet səhifələrində və ayrı-ayrı resurslarda yayımlanan elmi jurnalların vahid akademik platformada toplanmasına, onların rəqəmsal arxivlərinin qorunmasına, eləcə də yerli və xarici tədqiqatçılar üçün daha əlçatan olmasına imkan verir.
UNEC Journals Portal Azərbaycan Dövlət İqtisad Universitetinin rəsmi akademik nəşriyyat platformasıdır.
Portal UNEC-in elmi jurnallarını vahid rəqəmsal mühitdə birləşdirərək onların idarə olunması, təqdim edilməsi və beynəlxalq elmi kommunikasiya sisteminə inteqrasiyası üçün müasir imkanlar yaradır.
Elmi jurnallar üçün vahid və peşəkar platforma
Portal dünyada universitetlər, elmi təşkilatlar və akademik nəşriyyatlar tərəfindən geniş istifadə edilən Open Journal Systems (OJS) proqram təminatı əsasında fəaliyyət göstərir. Bu sistem məqalələrin qəbulundan redaksiya qiymətləndirilməsinə, resenziya prosesindən nəşrə qədər bütün mərhələlərin elektron şəkildə idarə edilməsinə imkan verir.
Platforma vasitəsilə tədqiqatçılar:
- ✓ UNEC-in elmi jurnalları ilə tanış ola;
- ✓ Jurnalların əvvəlki buraxılışlarını və arxivlərini nəzərdən keçirə;
- ✓ Mövcud nömrələrdə dərc edilmiş məqalələri oxuya;
- ✓ Uyğun jurnalı seçərək əlyazmalarını elektron sistem vasitəsilə təqdim edə;
- ✓ Jurnalın məqsəd və əhatə dairəsi, redaksiya siyasəti və nəşr tələbləri haqqında məlumat əldə edə bilərlər.
Portalda təqdim edilən məlumatlara əsasən, burada yerləşdirilən jurnallar beynəlxalq səviyyədə qəbul edilmiş redaksiya siyasətlərinə, akademik dürüstlük prinsiplərinə və resenziya prosedurlarına uyğun fəaliyyət göstərməyi qarşıya məqsəd qoyur.
Müxtəlif elm sahələrini əhatə edən jurnallar
Hazırda UNEC Journals Portal iqtisadiyyat, idarəetmə, kompüter elmləri, rəqəmsal texnologiyalar, dizayn, təhsil, gender tədqiqatları, sosial elmlər və digər istiqamətlər üzrə elmi jurnalları bir araya gətirir.
Portalda aşağıdakı jurnallar təqdim olunur:
Bu jurnalların vahid platformada toplanması UNEC-in elmi nəşrləri arasında institusional əlaqəliliyi gücləndirir, onların daha asan aşkar olunmasına və geniş oxucu auditoriyasına çatdırılmasına şərait yaradır.
Azərbaycan elminin beynəlxalq görünürlüğünə mühüm töhfə
Elmi jurnalın yalnız məqalə dərc etməsi artıq kifayət etmir. Müasir akademik nəşriyyat sistemi jurnalın şəffaf redaksiya siyasətinə, aydın resenziya proseduruna, müntəzəm arxivinə, düzgün metadatasına və əlçatan elektron təqdimatına malik olmasını tələb edir.
Bu baxımdan UNEC Journals Portal elmi nəşrlərin rəqəmsal idarə olunması, sistemləşdirilməsi və dünya elmi ictimaiyyətinə təqdim edilməsi üçün mühüm infrastruktur rolunu oynayır. Belə bir platformanın hazırlanması yalnız texniki iş deyil, eyni zamanda böyük təşkilati zəhmətin, peşəkar yanaşmanın və uzunmüddətli akademik strategiyanın nəticəsidir.
Portal UNEC-in elmi nəşrlərinin beynəlxalq görünürlüğünün yüksəldilməsinə, müəllif və oxucu auditoriyasının genişləndirilməsinə, elmi məqalələrin daha rahat tapılmasına və universitetin akademik fəaliyyətinin vahid brend altında təqdim edilməsinə xidmət edir.
Təqdirəlayiq akademik təşəbbüs
Azərbaycanda elmi jurnalların ayrı-ayrı və sistemsiz internet səhifələri əvəzinə vahid, müasir və funksional portalda təqdim olunması elmi nəşriyyat mədəniyyətinin inkişafı baxımından mühüm addımdır.
UNEC-in bu təşəbbüsü digər universitetlər və elmi təşkilatlar üçün də uğurlu institusional nümunə hesab oluna bilər. Universitetlərin nəşr etdiyi jurnalların vahid akademik platformalarda birləşdirilməsi Azərbaycan elmi nəşrlərinin keyfiyyətli təqdimatına, beynəlxalq elmi bazalara hazırlanmasına və qlobal akademik kommunikasiya sistemində görünürlüğünün artırılmasına kömək edə bilər.
UNEC-in iki jurnalının bu beynəlxalq platformada yer alması universitetin elmi nəşrlərinin qlobal akademik informasiya mühitində görünürlüğünü nümayiş etdirir. Bu nəticə, eyni zamanda, UNEC-də elmi jurnalların idarə olunmasına, beynəlxalq nəşr standartlarının tətbiqinə və tədqiqat nəticələrinin dünya elmi ictimaiyyətinə çatdırılmasına verilən önəmin göstəricisidir.
UNEC Journals Portalın yaradılması və universitetin iki elmi jurnalının SCImago platformasında təqdim olunması ayrı-ayrı təşəbbüslər deyil, UNEC-in vahid və ardıcıl akademik nəşriyyat strategiyasının mühüm tərkib hissələri kimi qiymətləndirilə bilər.
