Elmdə yeni bilik yaratmaq qədər, mövcud bilikdən istifadə etmək də vacibdir. Hər bir elmi tədqiqat əvvəlki araşdırmalar üzərində qurulur, inkişaf edir və yeni nəticələr ortaya qoyur. Məhz buna görə istinad elmi yazının texniki elementi deyil, akademik mədəniyyətin əsas prinsiplərindən biridir............

Azərbaycan alimlərinin beynəlxalq elmi jurnallarda nəşr etdirdiyi məqalələrin sayı son illərdə artmaqdadır. Bu, ümumilikdə müsbət tendensiyadır. Lakin bu artımla yanaşı, başqa bir məsələ də aktuallaşır: ölkədə alimlərin beynəlxalq nəşrlərini sistemli şəkildə əks etdirən vahid elmi məlumat bazası və ya elmimetrik platforma hələ də formalaşmayıb.............................

Elmi jurnalın adı onun vizit kartıdır. Oxucu, müəllif, rəyçi və beynəlxalq indekslər ilk növbədə jurnalın adını görür. Əgər həmin adın ingilis dilində yazılışında və ya termin seçimində kobud səhvlər varsa, bu, təkcə dil problemi deyil, həm də redaksiyanın peşəkarlığı və elmi məsuliyyəti haqqında ciddi suallar yaradır......................................

Əmir Teymurun tarixə düşmüş məşhur suallarından biri belədir: "Bəs hanı sizin kəlamınızın qüdrəti?" Bu sual əsrlər keçsə də, bu gün Azərbaycan elminə, xüsusilə ictimai və humanitar sahədə fəaliyyət göstərən alimlərə də ünvanlana bilər..................

Jurnal: Science, Education and Innovations in the Context of Modern Problems (SEI)

AJR üzrə ümumi bal: 70 / 100

AJR kateqoriyası: C

Qiymətləndirmə tarixi: 03 avqust 2026

Sertifikat №: AJR-2026-0001

Qiymətləndirmə statusu: Rəsmi qiymətləndirmədən keçmişdir.

Portalın məqsədi

Portalın əsas məqsədi Azərbaycanda fəaliyyət göstərən elmi jurnallar haqqında etibarlı milli informasiya mənbəyi formalaşdırmaq, onların beynəlxalq elmi nəşr standartlarına uyğun inkişafına dəstək vermək və ölkədə elmi nəşr mədəniyyətinin inkişafına töhfə verməkdir.

Bu məqsədlə portal:

• Azərbaycan elmi jurnallarının beynəlxalq görünürlüğünün artırılmasını;
• Elmi nəşrlərin keyfiyyətinin yüksəldilməsini;
• Akademik nəşr standartlarının təşviq edilməsini;
• Beynəlxalq indekslərə hazırlıq prosesinin dəstəklənməsini;
• Alimlər, universitetlər və elmi təşkilatlar üçün etibarlı akademik informasiya mühitinin yaradılmasını;
• Azərbaycan elminin beynəlxalq akademik sistemə inteqrasiyasının gücləndirilməsini qarşıya əsas məqsəd kimi qoyur.

www.jurnallar.com Azərbaycan elmi jurnalları, tədqiqatçılar və ali təhsil müəssisələri üçün beynəlxalq akademik nəşr sahəsində etibarlı informasiya, qiymətləndirmə və metodiki dəstək platforması kimi fəaliyyət göstərir.

"Elmi Jurnallar" Platformasının Keyfiyyət Siyasəti

"Elmi Jurnallar" platformasının əsas məqsədi Azərbaycanda fəaliyyət göstərən elmi jurnallar haqqında etibarlı, şəffaf və sistemləşdirilmiş milli informasiya bazasının yaradılması, elmi nəşrlərin keyfiyyətinin yüksəldilməsi və beynəlxalq akademik standartların tətbiqinə dəstək göstərilməsidir.

Bu məqsədlə platformaya yalnız müəyyən edilmiş minimum akademik və nəşr standartlarına cavab verən elmi jurnallar daxil edilir.

Platformaya qəbul edilmə jurnalın elmi keyfiyyətinin tam qiymətləndirilməsi və ya reytinqinin müəyyən edilməsi anlamına gəlmir. Qəbul prosesi yalnız jurnalın platformada qeydiyyata alınması üçün tələb olunan minimum standartlara uyğunluğunu müəyyən edir.

Minimum tələblərə cavab verməyən jurnallar platformaya daxil edilmir. Müvafiq çatışmazlıqlar aradan qaldırıldıqdan sonra jurnal yenidən qiymətləndirilmək üçün müraciət edə bilər.

Azərbaycanın Elmi Jurnal Standartı (AEJS)

Platformaya qəbul üçün jurnal minimum olaraq aşağıdakı akademik və texniki meyarlara cavab verməlidir:

• Rəsmi və aktiv internet saytının mövcudluğu;
• Beynəlxalq ISSN nömrəsinin olması;
• DOI sistemindən istifadə edilməsi və ya DOI siyasətinin mövcudluğu;
• Müstəqil ekspert rəyləndirmə (Peer Review) mexanizminin tətbiqi;
• Nəşr etikası (Publication Ethics) siyasətinin dərc olunması;
• Plagiatın qarşısının alınması üzrə siyasətin mövcudluğu;
• Açıq giriş (Open Access) siyasətinin açıqlanması;
• Redaksiya heyəti və əlaqə məlumatlarının şəffaf təqdim olunması;
• Müəlliflər üçün nəşr qaydalarının və məqalə hazırlama tələblərinin dərc edilməsi;
• Elektron arxiv və ya nəşr arxiv sisteminin mövcudluğu;
• Müntəzəm və davamlı nəşr fəaliyyətinin həyata keçirilməsi;
• Elmi məqalələrin beynəlxalq akademik və nəşr standartlarına uyğun hazırlanması.

AEJS Uyğunluq Qiymətləndirilməsi

Platformaya qəbul zamanı hər jurnal üzrə AEJS Uyğunluq Balı hesablanır. Bu bal jurnalın minimum qəbul meyarlarına uyğunluq səviyyəsini əks etdirir.

AEJS uyğunluq balı yalnız jurnalın platformaya qəbul olunması üçün tələb olunan minimum standartlara uyğunluğunu göstərir və jurnalın elmi nüfuzu, akademik təsiri və ya beynəlxalq reytinqini ifadə etmir.

Platformanın Prinsipi

"Elmi Jurnallar" platforması hər hansı elmi jurnalı kommersiya məqsədilə reklam etmək və ya subyektiv şəkildə üstün tutmaq məqsədi daşımır.

Platformanın fəaliyyəti aşağıdakı prinsiplərə əsaslanır:

• obyektivlik və müstəqillik;
• şəffaflıq;
• beynəlxalq akademik nəşr standartlarına uyğunluq;
• nəşr etikası prinsiplərinə riayət olunması;
• elmi keyfiyyətin davamlı inkişafının təşviqi.

Platformanın əsas missiyası Azərbaycan elmi jurnallarının beynəlxalq akademik mühitə inteqrasiyasına, nəşr keyfiyyətinin yüksəldilməsinə və etibarlı milli jurnal informasiya sisteminin formalaşdırılmasına töhfə verməkdir.

Azerbaijan Journal Rating (AJR)

Journal Evaluation Methodology (100 Points)

I. Redaksiya siyasəti və nəşr etikası – 15 bal

II. Saytın texniki keyfiyyəti – 15 bal

III. Nəşr keyfiyyəti – 20 bal

IV. Beynəlxalqlaşma və şəffaflıq – 20 bal

V. Elmi görünürlük və beynəlxalq indekslənmə – 30 bal

Ümumi nəticə

Son illərdə dünyanın aparıcı universitet reytinqlərində – Times Higher Education (THE), QS World University Rankings və Academic Ranking of World Universities (ARWU) – yer alan ali təhsil müəssisələrinin fəaliyyəti diqqətlə araşdırıldıqda ortaq bir mənzərə ortaya çıxır. Bu universitetlər təkcə güclü elmi potensiala malik deyil, həm də beynəlxalq akademik sistemə inteqrasiya olunmuş, açıq elmi mühit formalaşdırmış və elmi nəticələrini qlobal platformalarda görünən etməyi bacarmış müəssisələrdir.....................

Azərbaycan alimlərinin beynəlxalq elmi mühitdə görünürlüğü son illərdə ən çox müzakirə olunan məsələlərdən birinə çevrilib. Dünyanın aparıcı universitetləri və tədqiqat mərkəzləri elmi fəaliyyətin qiymətləndirilməsində H-indeksi, istinadların sayını və beynəlxalq elmi bazalarda indekslənən nəşrləri əsas meyar kimi qəbul edirlər. Azərbaycanda isə bu istiqamətdə hələ də həllini gözləyən problemlər mövcuddur........